| |
|
Yn ogystal â threfnu cyfarfodydd gwyddonol a chynadleddau, cynrychiolaeth seicolegwyr Cymreig mewn cyfarfodydd Cenedlaethol, a dosbarthu deunyddiau perthnasol drwy Y Seicolegydd yng Nghymru, y mae Cangen Cymru hefyd yn dosbarthu bwrsariaethau. Isod, ceir y canllawiau ar gyfer adolygiad y pwyllgor am geisiadau am fwrsariaethau myfyrwyr a bwrsariaethau 'caledi'.
- Rhaid i bob ymgeisydd fod yn aelod neu'n danysgrifiwr myfyriwr CSP ac yn astudio seicoleg mewn sefydliad Cymreig neu gangen Gymreig sefydliad cenedlaethol.
- Ystyrir bob cais yn ôl ei deilyngdod. Sut bynnag, bydd cyllideb gyfyngedig ar gyfer bwrsariaethau bob blwyddyn, i'w gytuno'n flynyddol gan y pwyllgor: ar gyfer 2005/ 2006 ni fydd y gyllideb hon yn mynd dros £900. Yr uchafswm ar gyfer bwrsariaeth unigol ar hyn o bryd yw £200.
- Fel arfer, penderfynir arni gan Bwyllgor Cangen Cymru; sut bynnag, mewn amgylchiadau eithriadol, wrth ymgynghori â'r Ysgrifennydd / Trysorydd Mygedol, bydd y Gadair yn gweithredu ar ei liwt ei hun. Y mae amgylchiadau eithriadol yn cynnwys diffyg cyfarfod pwyllgor o fewn amserlen fydd yn peri anfantais i'r myfyriwr.
- Rhoddir bwrsariaethau er mwyn cyfrannu at gost cynadleddau, gweithdai, cyrsiau neu ymweliadau sydd yn berthnasol i astudiaethau'r myfyriwr, yn enwedig ei ddiddordebau traethawd / ymchwil, neu sydd yn ymwneud â thechnegau cynllunio ymchwil neu ddadansoddiad data. Rhoddir y flaenoriaeth i fyfyrwyr sydd yn cyflwyno mewn cyfarfod, neu a all ddangos perthnasedd uniongyrchol at eu gwaith.
- Dylai ymgeiswyr allu dangos eu bod wedi gwneud pob ymdrech rhesymol arall er mwyn ennill nawdd ariannol (e.e. oddi wrth ei adran / ei hadran). Fel arfer, ni fyddai ôl-raddedigion â chefnogaeth y Cynghorau Ymchwil sydd yn derbyn cymorth ariannol i fynychu cynadleddau yn ymgeiswyr ar gyfer bwrsariaethau.
Y drefn ar gyfer ceisio am fwrsariaeth yw i'r ymgeisydd gyfeirio llythyr ar Gadair y Gangen:
- Gan ddatgan manylion y gynhadledd / gweithdy / ymweliad gan gynnwys costau
- Yn dangos cymhwyster fel aelod / tanysgrifiwr myfyriwr CSP
- Yn esbonio sut y mae mynychu'r cyfarfod yn perthyn i'w astudiaethau
- Yn dangos pa ffynonellau nawdd eraill sydd ar gael
- Yn dangos cefnogaeth tiwtor lle mae'n astudio
- Yn cytuno darparu derbynebau i drysorydd y Gangen
Mewn amgylchiadau eithriadol bydd y pwyllgor yn ystyried ceisiadau ar gyfer bwrsariaethau 'caledi'. RHAID cefnogi ceisiadau felly gan DDAU aelod staff y sefydliad perthnasol, ac ystyrir yn unig os gall y myfyriwr ddangos yn glir y byddai'r fwrsariaeth yn gwneud gwahaniaeth sylfaenol i allu'r myfyriwr i gwblhau ei astudiaethau. Dylid anfon llythyr at Gadair y Gangen.
- Gan amlinellu pwrpas y cais am gefnogaeth ariannol
- Yn dangos sut y byddai'r fwrsariaeth yn gadael i'r myfyriwr gwblhau ei astudiaethau
- Yn dangos pa ffynonellau nawdd eraill y mae wedi ei chwilio amdanynt
- Cefnogaeth gan DDAU diwtor lle mae e'n / hi'n astudio.
|
|
